今次林峯入院，已令他臨時缺席上周六晚的《勁歌金曲優秀選第二回》。昨日他出院後，又要繼續趕劇。事實上自他早前舉行完個唱後，一直都沒有休息過，終令他太過疲勞而要入院。
昨日2時，他頭戴冷帽、口罩和頸箍，在經理人陪同下出院。他表示：「 因脊椎有一截移位， 住院這兩天，都做了三次物理治療。媽咪話我近十多年都沒有入過醫院，我才發現自己原來沒有做過正式檢查身體，今次做了初步檢查，幸沒大礙，醫生話我只係缺乏休息。」
談及當天入院的情況，他表示：「前日條頸很痛，痛到郁唔到，醫生話要我做物理治療。昨日物理治療師幫我做治療，拉完我條頸放手時，我感覺到劇痛，眼前一黑，原來脊椎有些部分壓住咗神經線。醫生話有90%完全康復，但亦有90%會復發。」
他表示，醫生要他一直做物理治療。對於今次傷患，他表示這其實是舊患：「前幾年開始，我嘅腳部不時會無故抽筋，可能是壓住神經線關係，幸好工作時冇抽筋，只在排舞時試過，現在要一直戴住護膝和腳腕保護雙腳。之前拍劇要駕電單車，可能頭盔尺碼唔啱才弄傷頸部，醫生建議我做物理治療外，仲畀咗部物理治療機給我喺屋企用。現在戴頸箍都係為咗減低椎骨壓力，醫生建議我最好多休息。」人紅果然係有代價。